भुसावळ (प्रतिनिधी) रेल्वे स्थानकावरील स्टेशन मास्तर मनोज श्रीवास्तव यांना रेल्वे कर्मचारी सिद्धार्थ कांबळे याने मारहाण केली. त्याच्याविरुद्ध लोहमार्ग पोलिस ठाण्यात गुन्हा दाखल करण्यात आला.
रविवारी सकाळी ११ वाजेच्या सुमारास स्टेशन मास्तरच्या कार्यालयात दोन महिला बॅटरी कारवाबत चौकशी करण्यासाठी आल्या होत्या. श्रीवास्तव हे त्या महिलांना घेऊन उपस्टेशन मास्तरकडे गेले. त्यांना तक्रार दूर करण्यास सांगितले. यावेळी सिद्धार्थ कांबळे हा उपस्टेशन मास्तरच्या केबिनजवळ उभा होता. त्यास उद्देशून श्रीवास्तव यांनी तुझ्याबद्दल तक्रारी वाढत आहेत, असे सांगितले. त्याचा राग येऊन सिद्धाने श्रीवास्तव यांच्या डोळ्याजवळ ठोसा मारला. याप्रकरणी गुन्हा दाखल करण्यात आला. हवालदार अनिल बच हे तपास करत आहे.
