जळगाव (प्रतिनिधी)राष्ट्रवादीचे महानगराध्यक्ष अभिषेक पाटील यांना राजकीय वैमनस्यातून एका महिलेकडे हनी ट्रॅपमध्ये फसविण्यासाठी सुपारी दिल्याप्रकरणी रामानंद नगर पोलिस स्थानकात तक्रार देण्यात आली आहे. या घटनेमुळे जिल्ह्याच्या राजकारणात प्रचंड खळबळ उडाली आहे.
राष्ट्रवादीचे महानगराध्यक्ष अभिषेक पाटील हे मागील काही दिवसांपासून विविध आंदोलनामुळे जळगाव शहरात चांगलीच चर्चेत आलेआहेत. परंतु याच दरम्यान त्यांना बदनाम करण्यासाठी एका महिलेला 50 हजार रुपयात आणि हनी ट्रॅपची सुपारी देण्यात आल्याचा धक्कादायक प्रकार नुकताच उघडकीस आला आहे. याबाबत अभिषेक पाटील यांनी स्वतः रामानंद नगर पोलिस स्थानकात तक्रार दिली असून थोड्याच वेळात ते पद्मालय रेस्ट हाऊसला याबाबत पत्रकार परिषद घेणार आहेत आणि त्या ठिकाणी सर्व गोष्टी उघड करणार आहेत.
