नवी दिल्ली (वृत्तसंस्था) छत्तीसगडमधील कोळसा खाण वाटपातील अनियमिततेप्रकरणी दिल्लीच्या विशेष न्यायालयाने सर्व आरोपींना दोषी ठरवले आहे. यात माजी राज्यसभा खासदार विजय दर्डा, त्यांचा मुलगा देवेंद्र दर्डा, माजी कोळसा सचिव एचसी गुप्ता, दोन वरिष्ठ लोकसेवक केएस क्रोफा आणि केसी समरिया, जेएलडी यवतमाळ एनर्जी प्रायव्हेट लिमिटेडचे संचालक मनोज कुमार जयस्वाल यांचा या प्रकरणात सहभाग आहे. या सर्वांच्या शिक्षेचा निर्णय न्यायालय १८ जुलै रोजी सुनावणार आहे.
यात राज्यसभेचे माजी खासदार विजय दर्डा, त्यांचा मुलगा देवेंद्र दर्डा, कोळसा विभागाचे माजी सचिव एच. सी. गुप्ता, के. एस. क्रोफा आणि के. सी. सामरिया, जेएलडी यवतमाळ एनर्जी प्रायव्हेट लिमिटेड आणि त्यांचे संचालक मनोज कुमार जयस्वाल इत्यादींचा समावेश आहे. गुन्हेगारी कट रचणे (आयपीसीच्या १२० बी अंतर्गत शिक्षापात्र), फसवणूक (आयपीसीच्या कलम ४२० नुसार शिक्षापात्र) आणि भ्रष्टाचार प्रतिबंधक कायद्याशी संबंधित योग्य त्या कलमांखाली त्यांना दोषी ठरवण्यात आलं आहे. या प्रकरणावरील शिक्षेची पुढील सुनावणी १८ जुलै रोजी होणार आहे.
छत्तीसगडच्या कोळसा घोटाळ्यात अनेक मोठ्या नावांचा समावेश आहे. या प्रकरणात अनेक बडे अधिकारी आणि राजकारण्याशी संबंध असलेले अनेक जण रायपूर तुरुंगात कैद आहेत. यात आयएएस अधिकारी समीर बिश्नोई, सौम्या चौरसिया, मुख्यमंत्र्यांचे उपसचिव, सूर्यकांत तिवारी, कोळसा घोटाळ्यात सिंडिकेट म्हणून काम करणारे सुनील अग्रवाल यांचा समावेश आहे. दरम्यान, या प्रकरणात भविष्यात ईडीकडून छत्तीसगडमधील कोळसा घोटाळ्याशी संबंधित अनेक लोकांना अटक होण्याची शक्यता वर्तवली जात आहे.
