जळगाव (प्रतिनिधी) विदेशात एमबीबीएस झालेल्या डाॅक्टरांना भारतात प्रॅक्टीस करावयाची असल्यास त्यांना राष्ट्रीय वैद्यकीय परिषदेची ‘फाॅरेन मेडिकल गॅज्युएट इंटरन्स’ (एफएमजीई) ही परीक्षा पास हाेणे आवश्यक असते. परंतू ही परीक्षा उत्तीर्ण न करता प्रॅक्ट्रीस करणाऱ्या जळगावातील पाच डाॅक्टरांची सीबीआयकडून चाैकशी करण्यात आली आहे. त्यापैकी एका डाॅक्टरविरुध्द सीबीआयने गुन्हा दाखल केला असून त्याला दिल्ली येथे चाैकशीसाठी बाेलावण्यात आल्याचे कळते. दरम्यान, या कारवाईने जिल्ह्यातील वैद्यकीय क्षेत्रात प्रचंड खळबळ उडाली आहे.
या संदर्भात अधिक असे की, रशिया किंवा इतर देशातून वैद्यकीय पदवी घेऊन राष्ट्रीय वैद्यकीय परिषदेच्या नियमानुसार ‘एफएमजीई’ ही परीक्षा उत्तीर्ण न करता भारतात प्रॅक्ट्रीस करणाऱ्यांविरुध्द सीबीआयतर्फे छापे टाकून गुन्हे दाखल करण्यात आले होते. जळगाव जिल्ह्यातही गेल्या महिन्यात ही कारवाई झााली.शहरातील एका डाॅक्टरचा समावेश असल्याची माहिती समाेर आली. सन २०११-२२ या कालावधीत रशिया, युक्रेन, चीन व नायजेरिया या देशात एमबीबीएस करणाऱ्या डाॅक्टरांची संख्या वाढली हाेती.
परंतू एफएमजीई ही परीक्षा पास न करता सुमारे २३ हजार डाॅक्टर्स प्रॅक्ट्रीस करीत असल्याची माहिती राष्ट्रीय वैद्यकीय परिषदेला (एनएमसी) प्राप्त झाली होती . त्यानंतर नॅशनल आॅफ एग्झामिनेशनने आराेग्य मंत्रालयाकडे याबाबत माहिती दिली हाेती. एनएमसीने याबाबत तीन महिन्यांपूर्वी सीबीआयकडे रितसर तक्रारही केली हाेती. त्यावरून देशभरात ९१ ठिकाणी छापे टाकण्यात आले हाेते. त्यातून ७३ डाॅक्टरांविरुद्ध गुन्हे दाखल केले होते.
जिल्ह्यात ३०पेक्षा जास्त विनापरवाना ‘प्रॅक्ट्रीशनर्स’ जिल्ह्यात विनापरवाना बेकायदा प्रॅक्ट्रीशनर्सची संख्या ३०पेक्षा अधिक असल्याची आयएमएची माहिती आहे. हे प्रॅक्ट्रीशनर्स प्रामुख्याने शहर, तालुक्याच्या ठिकाणी प्रॅक्ट्रीस न करता पेरीफेरीत दवाखाने सुरु करत असल्याचे कळते. जळगाव शहरात या प्रकारचे पाच डाॅक्टर कार्यरत असल्याची चर्चा आहे. त्यांची सीबीआय पथकाने गेल्या महिन्यात चाैकशी केली होती. त्यापैकी एका डाॅक्टरविरुध्द सीबीआयने गुन्हा दाखल केला असून त्याला दिल्ली येथे चाैकशीसाठी बाेलावण्यात आल्याचे कळते. याबाबतचे वृत्त आज ‘दिव्य मराठी’ने दिले आहे.
