बिहार (वृत्तसंस्थां) बिहार विधानसभा निवडणुकीचा आज निकाल लागत असून संपूर्ण देशाचे लक्ष या निकालाकडे लागले आहे. आज ८ वाजल्यापासून मतमोजणी सुरू झाल्यानंतर साधारणा ९ ते १० वाजल्यापासून निकालाचे कल हाती येणार आहेत. देशातील, विशेषत: बिहारच्या ३ कोटींहून अधिक मतदारांसह ३,७३४ उमेदवारांचे लक्ष निकालाकडे लागले आहे.
बिहार विधानसभा निवडणुकांचे निकाल आज घोषित करण्यात येणार आहेत. बिहर विधानसभा निवडणुका एकूण तीन टप्प्यांमध्ये पार पडल्या. पहिल्या टप्प्यात १६ जिल्ह्यांमध्ये ७१ विधानसभा जागांसाठी, दुसऱ्या टप्प्यात १७ जिल्ह्यांतील ९४ जागांसाठी आणि तिसऱ्या टप्प्यांत १५ जिल्ह्यांच्या ७८ विधानसभा जागांसाठी मतदान पार पडलं. पहिल्या टप्प्यांतील मतदान २८ ऑक्टोबर रोजी, दुसऱ्या टप्प्यातील मतदान ३ नोव्हेंबर रोजी आणि तिसऱ्या आणि अखेरच्या टप्प्यातील मतदान सात नोव्हेंबर रोजी पार पडलं. बिहार विधानसभा निवडणुकीतील उमेदवार आणि त्यांच्या समर्थकांमध्ये मतमोजणीबाबत अधीरता वाढत चालली आहे. पाटण्यातील अनुग्रह नारायण कॉलेज येथील मतमोजणी केंद्राच्या बाहेर उमेदवार आणि त्यांच्या समर्थकांची अशी गर्दी उसळली. आज सकाळी ८ वाजता सुरू होईल मतमोजणी.
