जळगाव (प्रतिनिधी) नातीसोबत रात्रीच्या वेळी पायी फिरणाऱ्या ५४ वर्षीय महिला लिपीकाच्या गळ्यातून १ लाख २३ हजार रुपयांची मंगळसूत्र व पदक दुचाकीवरुन आलेल्या चोरट्यांनी जबरीने चोरुन नेले. ही घटना सोमवारी रात्री सव्वानऊ वाजेच्या सुमारास शिवशक्ती नगर रोड परिसरात घडली. याप्रकरणी तालुका पोलीस ठाण्यात गुन्हा दाखल करण्यात आला आहे.
शहरातील शिवशक्ती नगरात राहणाऱ्या उषाबाई देविदास बोरसे या महात्मा फुले कृषी विद्यापीठ संलग्न कृषी विद्यालय येथे लिपिक म्हणून कार्यरत आहेत. त्या दि. ३ नोव्हेंबर रोजी रात्री ९ वाजता नेहमीप्रमाणे त्यांची नात कनिष्का हिच्यासोबत शिवशक्ती नगर रोडवर पायी फिरण्यासाठी गेल्या होत्या. रात्री सव्वा वाजेच्या सुमारास त्या सुनील रत्नपारखे यांच्या घरासमोरून परत घरी जात असताना, त्यांच्या समोरून काळ्या रंगाच्या पल्सर मोटारसायकलवरून आलेल्या दोन अज्ञात इसम त्यांच्याजवळ आले.
बळजबरीने ओढून चोरटे पसार दुचाकीच्या पाठीमागे बसलेल्या २५ ते ३० वयोगटातील, सडपातळ बांध्याच्या आणि काळी टोपी घातलेल्या व्यक्तीने उषाबाई यांच्या गळ्यातील सोन्याचे मनी मंगळसूत्र व त्यामधील पदक बळजबरीने ओढून ते चोरटे अंधाराचा फायदा घेत पसार झाले.
आरडाओरड केली मात्र तोपर्यंत चोरटे पसार
जबरीने मंगळसूत्र चोरुन नेल्यानंतर महिलेने आरडाओरड केली. मात्र तो पर्यंत चोरटे तेथून पसार झाले होते. याप्रकरणी तालुका पोलीस ठाण्यात अज्ञात चोरट्यांविरुद्ध गुन्हा दाखल करण्यात आला आहे. तपास पोहेकॉ धनराज पाटील हे करीत आहे.
