जळगाव (प्रतिनिधी) पश्चिम बंगालमध्ये बहुमताचा आकडा पार करुन मोठ्या बहुमतासह पुन्हा एकदा ममता बॅनर्जी या सत्ता स्थापन करणार आहेत. या निकालाबाबत भाजप नेते गिरीश महाजन यांनी आपल्या जबाबदारी असलेल्या तीन मतदारसंघात भाजपचे उमेदवार विजयी झाले, असल्याची प्रतिक्रिया दिली आहे.
भाजपचे नेते व माजी मंत्री गिरीश महाजन यांच्यावर पक्षाने पश्चिम बंगालमध्ये उमेदवारांच्या प्रचाराची जबादारी दिली होती. त्यासाठी तब्बल वीस दिवस ते त्या ठिकाणी ठाण मांडून होते. पश्चिम बंगालमध्ये भाजपचा पराभव झाला असला त्यावर महाजन यांनी प्रतिक्रिया दिलेली नाही. मात्र, त्यांनी त्यांच्याकडे जबाबदारी असलेल्या भागातील तीन मतदारसंघात भाजपचे उमेदवार विजयी झाल्याचे म्हंटल आहे. यात बलूरघाट- अशोक लहरी, गंगारामपूर- सत्येंद्रनाथ राय, तपण- बुद्धराय तुहू हे उमेदवार विजयी झाल्याचे त्यांनी नमूद केले. पश्चिम बंगालमध्ये तृणमूल काँग्रेस २१२ आणि भाजप ७७ असे चित्र आहे. राज्यात बहुमताचा आकडा पार करुन मोठ्या बहुमतासह पुन्हा एकदा ममता बॅनर्जी या सत्ता स्थापन करणार आहेत. या पार्श्वभूमीवर भाजप नेते गिरीश महाजन यांनी पश्चिम बंगालमध्ये त्यांच्याकडे जबाबदारी असलेल्या भागातील तीन मतदारसंघात भाजपचे उमेदवार विजयी झाले आहेत, असे स्पष्ट केलं आहे. गिरीश महाजन पुढे म्हणाले की, बढणे दो हमे.. मत रोको हमे, अभी तो सुरुवात है, बहोत उंचा उडना है हमे.. कित्येक कार्यकर्त्यांनी रक्त सांडले, बलिदान दिले परंतु, भाजपने राष्ट्रवादी विचार सोडला नाही. या संघर्ष आणि मेहनतीच्या जोरावर त्यांनी आम्ही ताकदीने लढलो आणि तीनवरून ७५ वर पोहचलो. पश्चिम बंगाल मधील भाजपच्या सर्व विजयी उमेदवारांचे अभिनंदन !
