औरंगाबाद (वृत्तसंस्था) औरंगाबादमध्ये भाजपचे आमदार प्रशांत बंब यांच्यासह १५ जणांवर गुन्हा दाखल करण्यात आला आहे. बनावट कागदपत्र तयार करून सभासद तयार केल्याप्रकरणी हा गुन्हा दाखल करण्यात आला आहे. तसेच बंब यांच्यावर १५ कोटी ७५ लाखांचा अपहाराचा आरोपही लावण्यात आला आहे.
गंगापूर पोलीस ठाण्यात यासंबंधी तक्रार करण्यात आली आहे. प्रशांत बंब यांनी बनावट कागजपत्रं तयार करून सभासदांची फसवणूक करत १५ कोटी ७५ लाखांचा अपहार झाल्याचा आरोप तक्रारीत करण्यात आला आहे. यानंतर कारखान्यातील सभासदांच्या तक्रारीवरून गुन्हा दाखल केला गेला. पोलिसांनी याची नोंद घेत प्रकरणाचा शोध सुरू केला असल्याची माहिती आहे. दरम्यान, गंगापूर साखर कारखान्याची विक्री होऊ नये यासाठी सभासदांनी काही पैसे जमा केले होते. ते पुन्हा कारखान्याच्या खात्यावर आले. तेव्हा ही रक्कम १५ कोटी ७५ लाख होती. पण खात्यावर आलेल्या या पैशांचा कारखान्याशी काहीही संबंध नाही असं कारखान्याचे अध्यक्ष प्रशांत बंब आणि त्यांच्या काही संचालकांनी सांगितलं.
२०१३ मध्ये कारखान्याची विक्री थांबवण्यासाठी सभासदांची डीआरटी कोर्टाकडे पैसे जमा केले होते. पण त्यानंतर विक्रीचा व्यवहार रद्द झाला. म्हणून कोर्टाकडून पुन्हा कारखान्याच्या खात्यामध्ये पैसे आले. यावर प्रशांत बंब आणि त्यांच्यासह काही जणांनी यावर कारखान्याचे पैसे नसल्याचं म्हटलं. या प्रकरणात १४ सभासदांची फसवणूक झाल्याचाही आरोप आहे. गंगापूर साखर कारखान्याची विक्री होऊ नये म्हणून सभासदारांनी पैसे गोळा केले होते. ही सर्व रक्कम कारखान्याच्या खात्यात आहे. पण या रक्कमेचा कारखान्याशी काहीही संबंध नाही, असा दावाच कारखान्याचे अध्यक्ष प्रशांत बंब यांनी केला आहे. त्यामुळे सभासदांनी एकत्र येऊन थेट पोलीस स्टेशनमध्ये धाव घेतली आहे.
