धरणगाव (प्रतिनिधी) तालुक्यात 23 व 24 नोव्हेंबर दोन दिवसाचे कार्यकर्ता प्रशिक्षण वर्ग बालकवी ठोंबरे हायस्कुल येथे उत्साहात पार पडले. या शिबिराचे उद्घाटन जिल्हाध्यक्ष राजुमामा भोळे व जेष्ठ नेते सुभाष पाटील, यांच्या हस्ते करण्यात आले.
त्याप्रसंगी अध्यक्ष म्हणून जिल्हाउपाध्यक्ष पी.सी.आबा पाटील होते. प्रमुख पाहुणे म्हणून चंद्रशेखर अत्तरदे, राष्ट्रीय स्वयंसेवक संघाचे जळगाव विभाग सदस्य अँड.दत्तात्रय महाजन, शिरीष बयस, अँड.संजय महाजन, प्रकाश सोनवणे, शेखर पाटील, माधुरी अत्तरदे यांच्या उपस्थितीत संपूर्ण प्रशिक्षण वर्ग संपन्न झाला. सदर कार्यक्रमाचे सूत्रसंचालन गुलाबराव मराठे व निर्दोष पाटील यांनी केले तर आभार तालुका सरचिटणीस ललित येवले व सुनील चौधरी यांनी मानले.
याप्रसंगी तालुकाध्यक्ष जिजाबराव पाटील, तालुका सरचिटणीस सुनिल पाटील, शहराध्यक्ष दिलीप महाजन, प्रशिक्षण वर्ग संयोजक कन्हैया रायपुरकर, युवा मोर्चा अध्यक्ष भुषण धनगर तालुक्यातील सर्व कार्यकर्ते, पदाधिकारी, नगरसेवक उपस्थित होते. या प्रशिक्षण वर्गात 10 विषयावर वक्त्यांनी मार्गदर्शन केले. यात सागर रायगड़े यांनी सोशल मिडियाचा उपयोग, अँड दत्तात्रय महाजन यांनी आपला विचार आपला परिवार, पोपटतात्या भोळे यांनी मागील 6 वर्षाचे अंत्योदय, आमदार मंगेशदादा चव्हाण यांनी राजकीय वाटचाल, अजयजी भोळे यांनी भाजपचा इतिहास व विकास, उदयजी भालेराव यांनी भारतीय राजकारणातील बदल, महेश पाटील यांनी भारताची वैचारीक मुख्यधारा, आपली विचारधारा, अशोक कांडेलकर यांनी पक्षाची कार्यपध्दती व संघटात्मक रचनेतील भूमिका, स्मिताताई वाघ यांनी व्यक्तिमत्व विकास, के.बी.सालुंके यांनी आत्मनिर्भर भारत या विषयावर अभ्यास पूर्ण प्रशिक्षण दिले. कार्यकर्ता प्रशिक्षण वर्गास सर्व कार्यकर्ते, पदाधिकारी यांनी परिश्रम घेतले, समारोप पर मनोगत व आभार तालुकाध्यक्ष जिजाबराव पाटील यांनी मानले.
