बोदवड (प्रतिनिधी) पंचायत समिती बोदवडतर्फे सर्व विभागातील कर्मचाऱ्यांसाठी आरोग्य, पंचायत समिती, शिक्षक यांच्या साठी वेगवेगळ्या स्पर्धा घेण्यात आल्या. यामध्ये क्रिकेट, बुद्धिबळ, कबड्डी, खो-खो, बॅडमिंटन, एकपात्री नाटक यासह इतर स्पर्धा घेण्यात आल्या.
सर्व स्पर्धा अत्यंत खेळीमेळीच्या वातावरणात घेण्यात आल्या. सर्व स्पर्धांना उत्स्फूर्त सहभाग लाभला. न. ह. राका हायस्कूल बोदवड शिक्षक एकादश संघाने सर्वच स्पर्धांमध्ये उत्स्फूर्त सहभाग नोंदविला यातील तालुकास्तरीय कबड्डीच्या संघामध्ये न. ह. रांका हायस्कूल शिक्षक एकादश संघाने दणदणीत विजय प्राप्त करून तालुकास्तरावर विजय संपादन केला. या संघामध्ये सचिन सत्रे सर यांनी संघनायक म्हणून जबाबदारी पार पाडली. तर आर एस अग्रवाल सर ,डी एम चौधरी सर, ए आर पाटील सर, प्रेम वंजारी ,भोईसर ,भूषण भोईसर , बडोकर सर, आनंद माळी यांचा सहभाग होता.
पंच म्हणून एस ए पाटील सर व डॉक्टर एस आर निकम सर यांनी कामगिरी बजावली. सर्व विजयी खेळाडूंचे अभिनंदन संस्थेचे अध्यक्ष मिठुलालजी उपाध्यक्ष बरडीयाजी, सचिव विकास कोटेचाजी, ज्येष्ठ संचालक प्रकाशचंदजी व सर्व संचालक मंडळ व मुख्याध्यापक पी एम पाटील, उपमुख्याध्यापिका एम एस बडगुजर, पर्यवेक्षक जे एन माळी, आर के तायडे सर्व शिक्षक शिक्षकेतर बंधू यांनी अभिनंदन करत जिल्हा पातळी साठी शुभेच्छा दिल्या.
