चोपडा (प्रतिनिधी) शहरातील त्र्यंबकनगर व सहकार कॉलनी या दोन ठिकाणी भरदिवसा अज्ञात चोरट्यांनी बंद घरे फोडल्यामुळे प्रचंड भीतीचे वातवरण पसरलेले आहे. दोन्ही घरातून तबब्ल १२ तोळे सोने व अडीच लाख रुपयाची रोकड चोरट्यांनी लंपास केली आहे.
त्र्यंबकनगर भागातील रहिवासी संतोष सोनवणे यांच्या घरात दुपारी १ वाजेच्या सुमारास अज्ञात चोरट्यांनी प्रवेश केला.चोरट्यांनी घरातील तब्बल ५ तोळे सोने व ८० हजार रुपयांची रोकड लंपास केली. विशेष म्हणजे श्री. सोनवणे यांनी आपल्या मुलीच्या उपचारासाठी बुधवारी दीड लाख रुपयांचे कर्ज सोसायटीच्या माध्यमातून घेतले होते. तेचे पैसे चोरट्यांनी लांबवले आहेत. त्यानंतर थोड्या वेळाने दोन वाजेच्या सुमारास अवघ्या एक किमी अंतरावरील सहकार कॉलनीतील रहिवासी कैलास रामदास वाघ यांचे बंद घराचे कुलूप तोडून चोरटे आत शिरले. तसेच कपाटाचे कुलूप तोडून ७ तोळे सोने व १ लाख ७५ हजार रुपयांची रोकड घेऊन चोरट्यांनी पोबारा केला. एकाच दिवशी भरदिवसा दोन ठिकाणी घरफोड्या झाल्याने पोलिसांपुढे मोठे आव्हान निर्माण आहे.
