धरणगाव (प्रतिनिधी) चोपडा रोडवरील साळवा फाटा ते निशाणे फाट्याच्या दरम्यान महिंद्रा बोलेरो गाडी उलटून एक जण गंभीर जखमी झालाय. या प्रकरणी धरणगाव पोलिसात चालकाविरुद्ध गुन्हा दाखल करण्यात आला आहे.
या संदर्भात अधिक असे की, दि. २९ मे रोजी ड्राईव्हर विनोद भास्कर नाईक व जतिन राजेंद्र भिल हे दोघं महिंद्रा बोलेरो गाडी क्रं. (एमएच. १८ बीजी. ५१०४) ने साकरेहून पाचोरा येथे जात होते. रस्त्याच्या परिस्थितीकडे दुर्लक्ष करीत चालक भरधाव वेगाने वाहन चालवत होता. त्यामुळे सायंकाळी संध्याकाळी ७ वाजेच्या सुमारास साळवा फाटा ते निशाणे फाट्याच्या दरम्यान गाडी अचानक पलटी झाली.
या अपघातात जतिन राजेंद्र भिल (वय १९ वर्षे रा. साकरे ता.धरणगाव) याच्या डोक्याला मेंदूवर मार लागल्याने दुखापत झाली आहे. त्याच्या दुखापतीस व महिंद्रा बोलेरो गाडीचा नुकसानीस ड्राईव्हर विनोद भास्कर नाईक हा कारणीभूत असल्याची फिर्याद राजेंद्र भिला भिल (वय ४६, रा. साकरे ता.धरणगाव) यांच्या फिर्यादीवरून ड्राईव्हर विनोद नाईक याच्याविरुद्ध गुन्हा दाखल करण्यात असून पुढील तपास पोहेकॉ ईश्वर शिंदे हे करीत आहेत.