धरणगाव (प्रतिनिधी) शहरासह जिल्ह्याभरात चोरीच्या दुचाकी विकणाऱ्या एका टोळीचा धरणगाव पोलिसांनी पर्दाफाश केला आहे. याप्रकरणी धरणगाव पोलिसांनी ६ आरोपींना अटक केली असून त्यांच्याकडून तब्बल २० दुचाकी जप्त केल्या आहेत.
बोरगाव ता. धरणगाव येथील जयेश पाटील याच्याकडे एकाच क्रमांकाच्या दोन मोटरसायकल आहे, अशी गुप्त बातमी पोलिस निरिक्षक जयपाल हीरे यांना मिळाल्याने पोउपनि अमोल गुंजाळ तसेच पो.हे.कों खुशाल पाटील, पो.ना मोती पवार, पो. कों दिपक पाटील, चा. पो.ना. गजेद्र पाटील, चा.पो.ना वसंत कोळी पोलिसांनी सदर ठिकाणी जावुन खात्री केली. मिळालेल्या गुप्त बातमी प्रमाणे संशयीत कडे मोटरसायकल मिळुन आल्याने त्याबाबत त्याची विश्वासात घेऊन सखोल चौकशी केली असता त्याने भुषण विजय पाटील (रा. पळासखेडा सिम ता. पारोळा) यांचेकडुन सदर मोटरसायकल घेतली आहे असे सांगितले. तसेच त्यांने अनेक लोकांना जुन्या मोटरसायकल विक्री केल्या आहे. व मोटरसायकल देतांना कागदपत्र नंतर देतो असे तो सांगत असतो अशी हकिगत सांगितली. त्यावरुन भुषण विजय पाटील याला चौकशीसाठी ताब्यात घेतले. भूषण विजय पाटील याची सखोल चौकशी केल्यानंतर त्याने सागितले कि, ०९ मोटरसायकल भुषण घनराज पाटील व अमोल नाना पाटील (दोन्ही रा. शनी मंदीर चौक पारोळा ता. पारोळा) या दोन मोटरसायकल चोरांकडुन मागील एक ते दीड वर्षात वेळोवेळी १०,०००/- रुपये प्रत्येकी या प्रमाणे घेवुन समोरच्यास विक्री केल्याची कबुली दिली. त्यावरुन १) भुषण धनराज पाटील, २) अमोल नाना पाटील यांना ताब्यात घेवुन त्यांची सखोल विचारपुस केली असता त्यांनी चिंचपुरा ता. धरणगाव, चोपडा, चाळीसगाव, मालेगाव, धुळे, शिरपुर अशा अनेक ठिकाणी मोटरसायकल चोरी करुन त्या ३) मुषण विजय पाटील (रा पळासखेडा सिम ता. पारोळा), ४) जयेश रविद्र चव्हाण (रा. जवखेडा ता.अमळनेर), ५) ज्ञानेश्वर राजेद्र धनगर (रा. वर्डी ता चोपडा), ६) पंकज मधुकर खजुरे (रा. राजु गांधी नगर पारोळा), यांच्या मार्फतीने सामान्या लोकांना विक्री करण्यासाठी देत असे सांगितले. यावरुन वरील सहा आरोपीना धरणगाव पो.स्टे CCTNS NO ०५६६/२०२० भा.द.बी कलम ३७९.३४ या गुन्ह्यात अटक केली आहे.
पोलिस अधिक्षक जळगाव डॉ. प्रवीण मुंढे, अपर पोलिस अधिक्षक चाळीसगाव परिमंडळ सचिन गोरे व उपविभागीय पोलिस अधिकारी चोपडा भाग चोपडा राजेद्र रायसिंग यांचे मार्गदर्शनाखाली पोलिस निरिक्षक जयपाल हिरे, पो. उपनिरि अमोलगुंजाळतसेच पो. हे. कौं २४२३ खुशाल पाटील, पो.ना मोती पवार पो. काँ दिपक पाटील, चा.पो.ना. गजेद्र पाटील, चा पो.ना वसंत कोळी अशा धरणगाव पोलिस स्टेशन च्या पथकाने गुन्हे प्रकटीकरणासाठीचे पुर्ण कौशल्या वापरुन या कारवाईत ०६ आरोपीना अटक करुन एकुण २० मोटरसायकल हस्तगत केल्या आहेत. या कारवाईत मोटरसायकल चोरी करणारे व विक्री करणारे यांनी संगनमताने सामान्य लोकांना विशेषत: खेड्यातील लोकांना गाडीचे कागदपत्र नंतर देतो असे सांगुन चोरीच्या मोटरसायकल विक्री करण्याची पद्धती अवलंबल्याचे समोर आले आहे.
पोलिसांतर्फे जनतेला आवाहन
धरणगाव पोलिसांतर्फे जनतेला आवाहन करण्यात येते की, कोणत्याही व्यक्तीकडुन विनाकागदपत्र वाहन विकत घेवु नये अशी वाहने चोरीची असल्याने नंतर पोलिस कार्यवाहीला सामोरे जावे लागेल.
