भुसावळ (प्रतिनिधी) शहरातील जाम मोहल्ला परिसरातील एका घराच्या दरवाजाची कळी तोडून अज्ञात चोरट्याने घरात असलेले सोन्याच्या दागिन्यांसह रोकड चोरून नेल्याचा प्रकार उघडकीस आला आहे. याप्रकरणी भुसावळ बाजारपेठ पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे.
यासंदर्भात अधिक असे की, रत्ना राजेश परदेशी (वय ३६, रा. इकबाल यांच्या घराजवळ, जाम मोहल्ला, भुसावळ) यांनी दिलेल्या फिर्यादीनुसार, दि. ३ फेब्रुवारी २०२२ रोजी अज्ञात चोरट्याने घराच्या दरवाजाची कळी तोडून घरामध्ये प्रवेश करून २० हजार रुपये किंमतीचे ५० ग्रॅम वजनाचे सोन्याचे कर्णफुले, सोन्याचे मणी व २० हजार रोख रक्कम असा एकूण ४० हजार रुपयांचा माल चोरून नेला. याप्रकरणी भुसावळ बाजारपेठ पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे. पुढील तपास पोहेकॉ विजय बळीराम नेरकर करीत आहेत.
