भडगाव (प्रतिनिधी) – केवळ ८०० रुपयांच्या क्षुल्लक वादातून एका मजुराची दगडाने ठेचून निघृण हत्या करण्यात आल्याची अत्यंत धक्कादायक घटना नगरदेवळा रेल्वे स्टेशन परिसरात घडली. या प्रकरणी संशयित आरोपीविरुद्ध भडगाव पोलीस ठाण्यात हत्येचा गुन्हा दाखल करण्यात आला आहे. या घटनेमुळे संपूर्ण परिसरात खळबळ उडाली आहे.
मिळालेल्या माहितीनुसार, पाचोरा तालुक्यातील नगरदेवळा येथील निपाणे रस्तावर राहणारे मयत जुगा कांतीलाल पवार (वय ४०) हे मजुरीचे काम करून आपला उदरनिर्वाह करत होते. २१ सप्टेंबरला रात्री ते नगरदेवळा येथील वस्तीजवळ असलेल्या रस्त्याच्या बाजूला उभे होते. या वेळी त्यांच्याच गल्लीत राहणारा धर्मा भाता पवार याने जुगा पवार यांच्याजवळील ८०० रुपये हिसकावण्याच्या उद्देशाने त्यांच्यावर अचानक दगडाने प्राणघातक हल्ला केला. दगडाच्या गंभीर हल्ल्यात जुगा पवार हे गंभीर जखमी झाले अन् त्यांचा दुर्दैवी मृत्यू झाला. दरम्यान, घटनेची माहिती मिळताच भडगाव पोलिसांनी तातडीने घटनास्थळी धाव घेऊन पाहणी केली. मृतदेहाचा पंचनामा करून पुढील कायदेशीर प्रक्रियेसाठी पाठवण्यात आला आहे. याप्रकरणी मयताची ६५ वर्षीय वृद्ध आई आशाबाई कांतीलाल पवार यांनी दिलेल्या तक्रारीवरून भडगाव पोलीस ठाण्यात २२ सप्टेंबरला पहाटे ४.५७ वाजता संशयित धर्मा भाता पवार याच्याविरुद्ध खूनाचा गुन्हा नोंदवण्यात आला आहे. दरम्यान, या घटनेमुळे नगरदेवळासह परिसरात शोककळा पसरली आहे.
नागरिकांनी व्यक्त केल्यात संतप्त प्रतिक्रिया
या गंभीर हत्याकांडाचा तपास पो.नि. महेश टाक याच्या मार्गदर्शनात उपनिरीक्षक सुशील सोनवणे, प्रवीण परदेशी, नीलेश ब्राह्मणकर, गोवर्धन बोरसे, भूषण पाटील,
