सातारा (वृत्तसंस्था) शहरातील मध्यवर्ती ठिकाणाहून भल्या पहाटे ४ वर्षीय चिमुरडीला गाडीवर बसवून नेलं. त्यानंतर तिला मारहाण करून तिच्यावर लैंगिक अत्याचार केल्याची संतापजनक घटना समोर आली आहे.
बेघर असलेली चिमुरडी आपल्या कुटूंबियांसह शासकीय इमारतीच्या आडोशाने गेली काही दिवस वास्तव्यास होती. रोजच्या प्रमाणेच त्यादिवशीही झोपेत असतानाच तिच्यावर दृष्ट नजर पडली आणि सुरक्षित आयुष्यातील असुरक्षिततेचे घाव तिला गुप्तांगासह शरिरावर सोसावे लागले. तिने तोंड उघडल्यावरच अत्याचार करणाऱ्याचा चेहरा समाजासमोर येणार आहे.
बेशुध्द अवस्थेततही जगण्यासाठी धडपड !
सातारा शहरातील मध्यवर्ती ठिकाणाहून भल्या पहाटे या चिमुरडीला गाडीवर बसवून नेण्यात आले. मारहाण करून तिच्यावर लैंगिक अत्याचार केल्यानंतर बेशुध्द अवस्थेत तिला एका गावाच्या हद्दीत टाकून आरोपी तिथून फरार झाला. फिरायला बाहेर पडणाऱ्या लोकांनी या मुलीची अवस्था पाहिली आणि ते हादरले. गुप्तांगासह रक्तबंबाळ झालेले शरीर एकीकडे थकले होते. पण बेशुध्द अवस्थेतही जगण्यासाठी तिची धडपड सुरू होती.
