जळगाव (प्रतिनिधी) शहरातील तांबापुरा भागातील बिस्मील्ला चौकात असलेल्या घरातून अज्ञात चोरट्यांनी २५ हजार रुपये रोख व इतर वस्तू चोरून नेल्याचे सोमवारी पहाटे उघडकीस आले आहे. ही घटना रविवारी मध्यरात्री घडली आहे. तसेच याप्रकरणी पोलीस ठाण्यात अज्ञात चोरट्यांविरुद्ध गुन्हा दाखल करण्यात आला आहे.
शहरातील तांबापुरा भागात मोहसीन शेख सलीम (वय – २४) रा. बिस्मील्ला चौक, तांबापुरात हे आपल्या कुटुंबीयासह राहतात. त्यांचे दुमजली इमारत आहे. १० जानेवारी रोजी रात्री दहा वाजता घरातील कुटुंबीय जेवण करून खालच्या घरात झोपले. अज्ञात चोरट्यांनी वरच्या घरात शिरून घरात ठेवलेले २५ हजार रुपयांची रोकड आणि हॅन्ड बॅग, केबलचे बुक चोरून नेल्याचे ११ जानेवारी रोजी पहाटे चार वाजेच्या सुमारास उघडकीला आले. याप्रकरणी सोमवारी रात्री उशिरापर्यंत पोलिसांत नोंद नव्हती. मोहसीन शेख सलीम यांच्या फिर्यादीवरून ११ जानेवारी रोजी अज्ञात चोरट्यांविरोधात गुन्हा दाखल करण्यात आला आहे.
