अडावद ता. चोपडा (प्रतिनिधी) मोबाईलमधील गाण्यांचा आवाज हळू कर तसेच व्यवस्थीत टिकीट घे बोलल्याचा राग आल्याने एका तरुणाने महिला महिला बस कंडक्टरसह भांडण सोडविण्यास आलेल्या बस चालकाला देखील मारहाण केल्याचा धक्कादायक प्रकार घडला आहे. या प्रकरणी रतीक जुलाल बागुल (वय २३, रा. पिंप्री ता. चोपडा) या तरुणाला अडावद पोलिसांनी अटक केली आहे.
या संदर्भात ४५ वर्षीय महिला कंडक्टरने फिर्याद दिली आहे. या फिर्यादीत म्हटले आहे की, दि. ४ जानेवारी रोजी सकाळी साडेअकरा वाजेच्या सुमारास कमळगाव बस स्थानकावर बसमध्ये बसल्यावर रतीक बागुल हा तरुण महिला कंडक्टरकडे बघून मोबाईलमध्ये जोर-जोराने गाणी वाजवत होता. महिला कंडक्टरने आवाज कमी कर, असे रतिकला सांगितले. तरी देखील तो महिला कंडक्टरकडे पाहत होता. त्यावर तू व्यवस्थीत टिकीट घे मला तुझ्या पेक्षा मोठे मुले आहेत, असे महिला महिला कंडक्टरने सुनावले. याचच राग आल्याने रतिकने महिला कंडक्टरला बसच्या खाली ढकलून चापटा बुक्यांनी मारहाण केली. यावेळी भांडण सोडविण्यास आलेले बस चालक यांना देखील रतिकने चापटा चुक्यांनी मारहाण केली. या प्रकरणी अडावद पोलिसात गुन्हा दाखल करण्यात आला असून पुढील तपास पीएसआय चंद्रकांत पाटील हे करीत आहे. पोलिसांनी तात्काळ संशयित आरोपीला अटक केली आहे.
