जळगाव (प्रतिनिधी) जळगाव जिल्हा सरकारी नोकरांच्या सहकारी (ग. स.) सोसायटीच्या अध्यक्ष पदाची निवडणुक आज होत असून त्रिशंकू स्थितीत सहकार गटाने अकरा जणांचे फोटो टाकून बहुमताचा दावा करून सर्वांनाच धक्का दिला आहे. या सोसायटीचे तब्बल 34 हजार सभासद आहेत.
निवडणुकीत सहा पॅनेल होते. मात्र त्यात सहकार गट नऊ, लोकसहकार सहा, प्रगती गटाचे सहा संचालक निवडून आले. बहुमतासाठी 11 जण आवश्यक आहेत. यात आता लोकसहकार व प्रगती यांची युती झाल्याचा दावा गटनेते मनोज पाटील यांनी केला आहे. सहकार गटाचे नेते उदय पाटील यांनीही आपल्यासोबत अकरा जण असल्याचा दावा केला आहे. त्यासाठी त्यांनी अकरा संचालकांचा फोटोच ‘एका वृत्तसंस्थेला’ दिला आहे. निवडणूक दुपारी दोन वाजता गुप्त मतदान पद्धतीने होणार आहे.
नगरसेवक अपात्रप्रकरणी सुनावणी पुढे ढकलली
महापालिका नगरसेवक अपात्र प्रकरणी मंगळवारी होणारी सुनावणी पुढे ढकलण्यात आली असून, ती आता ७ जूनला होणार आहे. जळगाव महापालिकेतील भारतीय जनता पक्षाचे २७ नगरसेवक फुटले व त्यांनी महापौर निवडणुकीत शिवसेनेला पाठिंबा दिला होता.
