भुसावळ (प्रतिनिधी) भुसावळ बसस्थानक परिसरात एका वृध्दाच्या खिशातून सहा हजारांची रोकड अज्ञात व्यक्तीने हाताला धक्का मारून जबरी हिसकावून चोरून नेल्याची घटना सोमवारी सकाळी १०.३० वाजता घडली आहे. याप्रकरणी दुपारी २ वाजता भुसावळ बाजारपेठ पोलीस ठाण्यात अज्ञात व्यक्ती विरोधात गुन्हा दाखल करण्यात आला. बाजार पेठ पोलिसांनी अवध्या काही तासात आरोपी सुरज अशोक भांगे वय २३ पापानगर भुसावळ यास अटक करीत रक्कम जप्त केली.
रामू निंबा सुरवाडे (वय-७६, रा. खंडाळा ता. भुसावळ) हे परिवारासह वास्तव्याला आहेत. सोमवारी दि. १२ ऑगस्ट रोजी सकाळी १०.३० वाजता रामू सुरवाडे हे त्यांचे नातू चंद्रकिरण सुरवाडे यांच्यासोबत डिप्लोमा इंजीनियरिंगची फी भरण्यासाठी सोबत पैसे घेऊन भुसावळ शहरातील बसस्थानकात आले होते. त्यावेळी एका अज्ञात व्यक्तीने त्यांना धक्का मारून त्यांच्या खिशातील ६ हजार रुपयांची रोकड जबरी हिसकावून चोरून नेली. दरम्यान ही घटना घडल्यानंतर रामू सुरवाडे यांनी भुसावळ बाजारपेठ पोलिसात धाव घेऊन तक्रार दिली. त्यानुसार दुपारी २ वाजता अज्ञात व्यक्ती विरोधात गुन्हा दाखल करण्यात आला आहे. या घटनेचा पुढील तपास पोलीस उपनिरीक्षक मंगेश जाधव हे करीत आहे.
दोन तासात आरोपी पोलिसाच्या जाळ्यात
तालुका उपविभागीय पोलिस अधिकारी कृष्णांकात पिंडळे व पोलिसीस निरीक्षक राहुल वाघ यांचे मार्गदर्शना खाली उप निरीक्षक मंगेश जाधव, पोहेकॉ विजय नेरकर, निलेश चौधरी, प्रशांत परदेशी, योगेश माळी अमर अढाळे यांनी गुन्हा दाखल झाल्या पासून तांत्रिक माहिती च्या आधारे व गुप्त माहिती घेवुन अवघ्या दोनतासात आरोपीस सुरज अशोक भांगे यास ताब्यात घेतले त्याचेकडून जबरीन चोरी केलेली संपूर्ण रक्कम ६००० रुपय हस्तगत केली आरोपीस न्यायालयाचे आदेशाने न्यायालयीन कस्टडी रिमांड मध्ये खाना करण्यात आले आहे.