धरणगाव (प्रतिनिधी) एकशे सात वर्षांची उज्ज्वल परंपरा असलेल्या महाराष्ट्रातील नामवंत शतकोत्तरी पी.आर.हायस्कूलच्या वतीने आज पळसखेडे, ता.पारोळा येथील नवनिर्वाचित ग्रामपंचायत सदस्य तथा भावी सरपंच कांतीलाल शिंदे यांचा सत्कार करण्यात आला.
पळसखेडे येथील ग्रामपंचायत निवडणूकीत कांतीलाल शिंदे अनुसूचित जाती या राखीव जागेवर सदस्य म्हणून निवडून आले. नुकत्याच झालेल्या आरक्षण सोडतीत ही जागा सरपंच पदासाठी अनुसूचित जाती साठी राखीव निघाली असल्याने भावी सरपंच म्हणून त्यांचा सत्कार पी. आर. हायस्कूल सोसायटीचे संचालक अजय पगारीया आणि ज्येष्ठ शिक्षिका डॉ. वैशाली भरत गालापुरे यांच्या हस्ते करण्यात आला. पळसखेडे येथील जवळ जवळ ४० विद्यार्थी पी.आर.हायस्कूल मध्ये शिकत असून कांतीलाल शिंदे हे पालकही आहेत. यावेळी शाळेचे मुख्याध्यापक डॉ. संजीवकुमार सोनवणे, उपमुख्याध्यापक आर. के. सपकाळे, एनसीसी मेजर डी. एस. पाटील, ज्येष्ठ लिपिक जितेंद्र बोरसे, विजय दाभाडे आणि शिक्षक बंधू भगिनी व शिक्षकेतर कर्मचारी उपस्थित होते.
