जळगाव (प्रतिनिधी) कुसूंबा येथे जुन्या भांडणातून तरुणावर गावातील दोघांनी चॉपर काढून हल्ला केल्याची घटना रविवारी संध्याकाळी सव्वा सात वाजेच्या सुमारास घडली. याप्रकरणी एमआयडीसी पोलिसात गुन्हा दाखल करण्यात आला आहे.
याबाबत वृत्त असे की, जखमी संतोष सुभाष कोळी-राऊत (वय-२२,रा. कुसूंबा आयटीआय जवळ) हा त्याचा मित्र सागर केदारेला घेवून दुचाकीने जात असतांना. सुमेरसींग ढाब्या च्या मागील रोडवर राहुल मराठे व निलेश ऊर्फ बाबा अशांनी वाहन अडवले. मागील भांडणाच्या वेळेस संतोष कोळीने दिलेली तक्रार मागे घ्यावी यासाठी शिवीगाळ करुन गाडीवरुन खाली पाडत बेदम मारहाण केली. राहुल मराठेने त्याच्या कंबरेतून धारदार चॉपर काढून पाठीमागून कंबरेत चॉपरने वार केला. रस्तस्त्राव होत असल्याने परिसरातील रहिवाश्यांनी मदतीला धाव घेतल्याने दोघा भामट्यांनी धुम ठोकली. जखमी संतोष सुभाष कोळी-राऊत व केदारे अशा दोघांना उपचारार्थ जिल्हा रुग्णालयात दाखल करण्यात आले आहे. याप्रकरणी प्राणघातक हल्ला चढवल्या प्रकरणी गुन्ह्याची नोंद करण्यात आली आहे. पुढील तपास सहाय्यक निरीक्षक अमोल मोरे करत आहेत.
