जळगाव (प्रतिनिधी) आज नशिराबाद जवळ खुनाच्या गुन्ह्यातील आरोपींना जामीन मिळाल्यानंतर त्यांच्यावर गोळीबार आणि चॉपर हल्ला झाला आहे. यात एक जण ठार झाला असून एक जखमी झाला आहे. हा हल्ला विरुद्ध बाजूच्या टोळक्याने केल्याचे समजते आहे. यामुळे परिसरात एकच खळबळ उडाली आहे.
यासंदर्भात अधिक असे की, भुसावळ येथील खुनाच्या गुन्ह्यातील दोन आरोपींना आज जामीन मिळाला होता. जामीन मिळाल्यानंतर हे आरोपी भुसावळ येथे जात असताना नशिराबाद जवळ त्यांच्यावर गोळीबारासह चॉपरने हल्ला करण्यात आला. यातील एक जण हा जागीच ठार झालेला असून दुसरा गंभीर जखमी झालेला आहे. गंभीर जखमी झालेल्या व्यक्तीला डॉक्टर उल्हास पाटील मेडिकल कॉलेजमध्ये दाखल करण्यात आले आहे. दरम्यान, पोलीस प्रशासनाने घटनास्थळी धाव घेत तपासाची चक्रे फिरवण्यास प्रारंभ केला आहे.
