यावल (प्रतिनिधी) यशस्वी चर्चेअंती आणि सोमवार पासून विरावली, कोरपावली, मोहराळा, हरिपुरा बस सुरू करण्याचे आश्वासन मिळाल्याने आज होणारे काँग्रेस सेवा फाऊंडेशनचे रास्तारोको आंदोलन स्थगित करण्यात आले आहे.
आज यावल आगारात जिल्हाध्यक्ष जलील पटेल, आगरप्रमुख एस. व्ही. भालेराव, शहराध्यक्ष नईमभाई शेख, डॉ. जाकीर हुसेन हायस्कूलचे शकील, हारून तसेच फिरोज पटेल यांच्यात चर्चा झाली. त्यात सोमवार पासून सकाळी ८.३० ते दुपारी २ वाजता यावल हरिपुरा बस सुरू करण्याचे ठरले. यावल शहरातील सर्व मुख्यध्यापक शिक्षक तसेच विरावली, कोरपावली, महेलखेडी, मोहराळे येथील सरपंच यांनी विद्यार्थी पालक तसेच इतर प्रवाशांना गाडी सुरू होत असल्याबाबत सूचना करण्याचे सांगितले. तसेच प्रवाशांनी महामंडळाच्या बसनेच प्रवास करावा, असे आव्हान जिल्हाध्यक्ष जलील पटेल, आगरप्रमुख भालेराव यांनी कळविले आहे.
सदर बस सुरू करणेकमी जि.प. गटनेते अप्पासाहेब प्रभाकर सोनवणे, कोरपावली सरपंच विलास अडकमोल, रावेर लोकसभा अध्यक्ष सद्दाम शाह, तालुका अध्यक्ष अभय महाजन, तालुका मीडिया प्रमुख धीरज पाटील, कोरपावली येथील समाजसेवक मुक्तार पटेल, अनिल जंजाळेसह आदींचे सहकार्य लाभले.