जळगाव (प्रतिनिधी) शहरातील आकाशवाणी चौकातील सिग्नलजवळ आज दुपारी एका कारने अचानक पेट घेतल्यामुळे प्रचंड खळबळ उडाली होती. सुदैवाने या आगीतून चार तरुण सुखरूप बचावले आहेत. ही कार भुसावळकडून कासोद्याला जात होती.
या संदर्भात अधिक असे की, आज दुपारी दीपक अडकमोल हे कार (क्र.जी.जे.९ सी.एच. ९४४९) ने भुसावळकडून कासोद्याला जात होते. त्यांच्यासोबत कारमध्ये आणखी तीन मित्र देखील होती. पावणे तीन वाजेच्या सुमारास आकाशवाणी चौकातील सिग्नल बंद झाल्यामुळे त्यांनी कार थांबवली होती. त्यांच्यापुढे ट्रक होता. तेवढ्यात त्यांच्या लक्षात आले की, कारच्या इंजिनमधून धूर निघतोय. चौघं तरुणांनी प्रसंगावधान दाखवत तात्काळ कारच्या बाहेर पडले. अगदी काही मिनिटात कारने पेट घेतला. बघता-बघता कार पूर्णपणे जाळून खाक झाली. अग्नीशमन दलाच्या बंबाने आग विझवली, जोपर्यंत कार पूर्णतः जळून खाक झाली होती.
