जळगाव (प्रतिनिधी) साधारण १५ दिवस उपचार घेऊन घरी परत आल्यानंतर तुम्ही कोरोना पॉझिटिव्ह असल्याचा निरोप मिळाल्यामुळे संतप्त झालेले राष्ट्रवादीचे प्रवक्ते योगेश देसले यांनी महापालिकेच्या भोंगळ कारभाराविरुद्ध थेट मुख्यमंत्री उद्धव ठाकरे, उपमुख्यमंत्री अजित पवार आणि आरोग्यमंत्री राजेश टोपे यांच्याकडे तक्रार केली आहे.
राष्ट्रवादी काँग्रेस प्रवक्ता योगेश देसले यांनी पालिका आरोग्य अधिकारी डॉ. रावलानी याना कॉल केला असता रावलानी यांनी सांगितले की, कोरोना चाचणी केली तर त्याचा अहवाल लगेच दिला जातो. पण योगेश देसले यांना त्यांचा कोरोना अहवाल १५ दिवसांनी कोरोना पॉझिटिव्ह आल्याची महिती पालिका आरोग्य कर्मचारी दिली. यावरून जळगाव महानगरपालिकेचा भोंगळ कारभार समोर आला आहे. पालिका आरोग्य अधिकारी डॉ. रावलानी आणि संबधितांवर कार्यवाही व्हावी यासाठी मुख्यमंत्री, उपमुख्यमंत्री व राज्याचे आरोग्यमंत्री यांच्याकडे महानगरपालिकेचा भोंगळ कारभाराबाबत योगेश देसले यांनी तक्रार केली आहे.
