नवी दिल्ली (वृत्तसंस्था) भारतात कोरोना लशीच्या आपत्कालीन वापरासाठी मंजुरी देण्यात आली आहे. तर दुसरीकडे आजपासून ड्राय रन सुरू होत असतानाच केंद्रीय आरोग्यमंत्री हर्षवर्धन यांनी मोठी घोषणा केली आहे. देशातील सर्व नागरिकांना कोरोनाची मोफत लस मिळणार असल्याची घोषणा केंद्रीय आरोग्यमंत्र्यांनी केली आहे. कोरोनाची लस सर्व नागरिकांपर्यंत पोहोचावी यासाठी आरोग्य यंत्रणा आणि प्रशासनानं मेगा प्लॅन तयार केला आहे.
देशातील सर्व लोकांना करोनाची लस मोफत मिळणार असल्याची महत्वाची घोषणा केंद्रीय आरोग्यमंत्री डॉ. हर्षवर्धन यांनी केली आहे. संपूर्ण देशात लसीकरणासाठी ड्राय रन सुरू असून देशात लसीकरणाची जय्यत तयारी सुरू करण्यात आली आहे. याचा आढावा केंद्रीय आरोगमंत्री डॉ. हर्षवर्धन यांनी घेतला. देशात कोरोना लसीकरणाच्या ड्राय रनची सुरूवात झाली असून, देशभरातील ११६ जिल्ह्यातील २५९ सेंटरवर कोरोना लसीकरणाचं ड्राय रन सुरू झाले आहे. आज सकाळी केंद्रीय आरोग्यमंत्री हर्षवर्धन यांनी दिल्लीत जीटीबी रुग्णालयात ड्राय रनचा आढावा घेतला. सोबतच कोरोना लसीच्या अफवांपासून दुर राहा असे आवाहन सुद्धा आरोग्यमंत्र्यांनी केले. केंद्र सरकारने शुक्रवारी सीरम इंस्टीट्यूटच्या कोविशील्ड लसीला सुद्धा मंजुरी दिली आहे. दरम्यान आजपासून कोरोनाच्या ड्राय रनला सुरूवात झाली असून, कोरोनाची लस संपुर्ण देशात मोफत मिळणार असल्याचं हर्षवर्धन यांनी सांगितलं आहे.
