जामनेर (प्रतिनिधी) तालुक्यातील पळासखेडा बु येथे अज्ञात चोरट्यांनी धाडसी घरफोडी करून सोने-चांदीच्या दागिण्यांसह रोकड लंपास केल्याची घटना उघडकीस आली आहे.
या संदभार्त अधिक असे की, दि १० फेब्रुवारी २०२२ रोजी सकाळी ११.३० ते दि. ११ फेब्रुवारी २०२२ रोजी सकाळी ११.३० वाजेच्या दरम्यान अज्ञात चोरट्यांनी आनंदा देवचंद मावळे (वय ५३ रा. पळासखेडा बु ता. जामनेर) यांच्या प्लॉट नं ०३ मध्ये असलेल्या घरात घरफोडी करून ५ ग्रॅम वजनाची मंगळसूत्राची पोत, १२ ग्रॅम वजनाची पट्टीची सोन्याची गळ्यातील पोत, १ ग्रॅम वजनाची नातू रियांश शेले यांची बोटातील अंगठी, ५०० मिली ग्रॅम वजनाची मुलगी नंदिनी हिची नाकातील नथ, १०,५०० रुपये रोख रक्कम, असा एकूण ४८ हजार रुपयाचा ऐवज लंपास केला. याप्रकरणी जामनेर पोलीस स्थानकात अज्ञात चोरट्यांविरुद्ध गुन्हा दाखल करण्यात आला असून पोहेकॉ साहील ईतवार तडवी हे करीत आहेत.
