बरेली (वृत्तसंस्था) बरेलीमधील सुभाष नगर पोलीस ठाणे हद्दीतील शांती विहार कॉलनीत दीरानेच वहिनीची दगडाने ठेचून हत्या केल्याचा खुलासा पोलिसांनी एका महिन्याची तपासानंतर उघड केले आहे. पोलीस तपासात आरोपी दीराने धक्कादायक कबुली दिली आहे.
पोलीस तपासात आरोपीने सांगितलं की, ऑगस्ट महिन्यात त्याचा भाऊ नोकरीसाठी हरियाणाला गेला होता. त्यावेळी त्याने वहिनी एकटी असल्याचं पाहून तिच्यावर शारीरिक संबंध ठेवण्यासाठी जबरदस्ती केली. मात्र विनीताने त्याला विरोध केला. विनीताने विरोध केल्यामुळे रागाच्या भरात आकाशने दगडाने ठेवून तिची हत्या केली आणि घटनास्थळावरुन फरार झाला. घटनास्थळी पोलीस पोहोचले त्यावेळी विनीताच्या ६ वर्षांच्या मुलीने आपल्या काकाने हत्या केल्याचा आरोप केला होता. जेव्हा आकाशने वहिनीची हत्या केली त्यावेळी ६ वर्षांची मुलगी देखील तेथेच होती. मुलीने पोलीस आणि आजीला काकाने केलेलं कृत्य सांगितलं. घटनेनंतर विनीताच्या कुटुंबीयांनी तिच्या सासरच्या मंडळींविरोधात हत्येचा गुन्हा दाखल केला होता. मात्र तोपर्यंत आरोपी आकाश फरार झाला होता. अखेर पोलिसांनी त्याला शोधून काढले. तसेच त्याने वहिनीची हत्या केल्याचं कबुल देखील केलं आहे.
