धरणगाव (प्रतिनिधी) येथील शतकोत्तर पी.आर.हायस्कूलच्या आठवीच्या विद्यार्थिनींनी आज राष्ट्रीय मतदान दिनाचे औचित्य साधून धरणगावच्या बाजारासाठी आलेल्या ग्रामीण भागातील ग्रामस्थांना भेटून मतदानाचे महत्त्व पटवून दिले.
पी.आर.हायस्कूलमध्ये आज १४ व्या राष्ट्रीय मतदान दिनानिमित्त विद्यार्थी आणि शिक्षकांना देशाच्या लोकशाही परंपरेचे पालन करत धर्मनिरपेक्ष पद्धतीने मतदान करण्याची प्रतिज्ञा डॉ. बापू शिरसाठ यांनी दिली. मुख्याध्यापक डॉ. संजीवकुमार सोनवणे यांनी भारतीय संविधानातील मतदानाचे महत्त्व विशद करुन विद्यार्थ्यांना भारतीय लोकशाहीवर निष्ठा राखण्याचे व आपल्या कुटुंबाला, गावातील लोकांना मतदानाचे महत्त्व पटवून देण्याचे आवाहन केले. आज धरणगावचा बाजार असल्याने शाळेच्या विद्यार्थिनींनी मतदारांना प्रत्यक्ष भेटून’ मतदानाइतके अमूल्य नसे काही, बजावू हमखास मताधिकार आम्ही ‘ या विषयावर प्रबोधन करून मतदार जनजागृती मोहीम राबविली. यासाठी उपमुख्याध्यापिका डॉ. आशा शिरसाठ, पर्यवेक्षक कैलास वाघ, एनसीसी अधिकारी डी.एस.पाटील , महेश पाठक यांनी विद्यार्थ्यांना मार्गदर्शन केले.
