धरणगाव (प्रतिनिधी) धरणगावच्या कार्यकर्त्याने थेट जळगाव लोकसभा मतदार संघात उमेदवारी अर्ज दाखल केला आहे. जिल्ह्यातील हा पहिला अर्ज दाखल झालेला आहे. संजय एकनाथ माळी (रा. हनुमान नगर, धरणगाव), असे अपक्ष उमेदवारी अर्ज दाखल करणाऱ्या उमेदवाराचे नाव आहे.
दि. 20 रोजी जळगाव लोकसभेसाठी 13 उमेदवारांनी 35 अर्ज तर रावेर लोकसभेसाठी 7 उमेदवारांनी 19 अर्ज घेतले. एकाही राजकीय पक्षाच्या उमेदवाराने अर्ज दाखल केलेला नाही. परंतू आज तिसऱ्या दिवशी जळगाव लोकसभेसाठी संजय एकनाथ माळी (रा हनुमान नगर, धरणगाव) या अपक्ष उमेदवाराने आपले नामनिर्देशन पत्र दाखल केले आहे. दि. 20 रोजी जळगाव लोकसभेसाठी 13 उमेदवारांनी 35 अर्ज घेतले आहेत. भाजपाचे उमेदवार स्मिता वाघ यांच्या दोन प्रतिनिधींनी आठ अर्ज नेले. तर रावेर लोकसभेसाठी 7 उमेदवारांनी 19 अर्ज घेतले आहेत. रावेर लोकसभा मतदारसंघासाठी एकही उमेदवारी अर्ज दाखल झालेला नाही. दरम्यान, संजय माळी यांनी यापूर्वी पदवीधर मतदार संघातून विधान परिषदेची निवडणूकही लढली आहे.
