पाचोरा (प्रतिनिधी) विवाहिता घरात एकटी असल्याचा गैरफायदा घेत तिच्यावर बळजबरी केल्याची धक्कादायक घटना तालुक्यातील एका गावात घडली. याबाबत पाचोरा पोलिसांत युवकाविरुद्ध गुन्हा दाखल झाला आहे.
तालुक्यातील एका गावातील पीडित विवाहिता पतीसोबत एका शेतात रखवालीचे काम करतात व तेथेच रहातात. दि. २९ रोजी रात्री ८:३० च्या सुमारास पती दुसऱ्या शेतात कामानिमित्त गेला असता महेंद्र गोविंद गुजर हा पीडिता घरी एकटी असल्याचे पाहून घरात घुसला आणि तू जर माझ्या सोबत शारीरीक संबंध केले नाही तर तुझ्या मुलाला जिवे ठार मारेल अशी धमकी देत पीडितेवर बळजबरी केली.
पिडीतेने विरोध केला असता महेंद्रने पिडीतेच्या हातावर विळ्याने मारले. पीडितेच्या पतीने पोलिस पाटील व इतरांना बोलावून आरोपी व पिडितेस पाचोरा ग्रामीण रुग्णालयात दाखल केले. पीडितेने पाचोरा पोलिसात फिर्याद दिल्यावरून आरोपीविरुद्ध बलात्काराचा गुन्हा दाखल करण्यात आला असून पुढील तपास पो.नि. राहुल खताळ यांच्या मार्गदर्शनाखाली पीएसआय विजया वसावे ह्या करीत आहेत.
