मालवण (वृत्तसंस्था) दिशा सॅलियन मृत्यू प्रकरणी आक्षेपार्ह वक्तव्य केल्याप्रकरणी केंद्रीय मंत्री नारायण राणे आणि नितेश राणे विरोधात मालवणी पोलीस स्थानकात FIR दाखल करण्यात आली होती. दरम्यान, दोघांना आज अटकपूर्व जामीन मंजूर झाला आहे.
दिंडोशी सेशन कोर्टात त्यांना नुकताच राणे पिता-पुत्राला जामीन मंजूर करण्यात आला. न्यायालयाने जामीन मंजूर करीत असताना काही अटी आणि शर्टी ठेवल्या असल्याचे नुकतेच नितेश राणे यांनी प्रसारमाध्यमांना सांगितले. दिशा सालियन मृत्यू प्रकरणी आक्षेपार्ह वक्तव्य केल्याचा गुन्हा राणे पितापुत्रांविरोधात मुंबईतील मालवणी पोलीस ठाण्यात नोंदवण्यात आला होता. दिशा सालियनच्या आईनं केलेल्या तक्रारीनंतर हा गुन्हा नोंदवण्यात आला होता. पोलिसांनी याप्रकरणी राणे पितापुत्रांची चौकशीही केली होती. राजकीय दबावामुळे आपल्याला गोवल्याचा आरोप राणेंनी केला होता. आज दिंडोशीतील सत्र न्यायाधीश एस. यू. बघेल राणेंच्या अटकपूर्व जामीन अर्जावर निर्णय दिला. दरम्यान, दिशा सालियनवर अत्याचार करुन तिची हत्या करण्यात आल्याचं वक्तव्य नारायण राणेंनी पत्रकार परिषदेत केलं होतं. त्यानंतर तिच्या पालकांनी नारायण राणे आणि नितेश राणेंविरोधात पोलीस ठाण्यात तक्रार केली होती.
