नवी दिल्ली (वृत्तसंस्था) कोरोनाच्या लसीकरणाआधी पेनकिलर घेऊ नका असा इशारा जागतिक आरोग्य संघटनेनं दिला आहे. यामुळे लसीचा विपरीत परिणाम होऊ शकतात असं जागतिक आरोग्य संघटनेनं म्हटलंय. लसीकरणानंतर जाणवणाऱ्या वेदना दूर करण्यासाठी पेनकिलर्स घेतल्यास हरकत नाही असंही जागतिक आरोग्य संघटनेनं म्हटलंय.
“पॅरासिटमोल किंवा इतर पेनकिलर्स” या कोरोना लसीकरणानंतर जाणवणाऱ्या वेदना दूर करण्यासाठी घेतल्यास हरकत नाही असं जागतिक आरोग्य संघटनेनं स्पष्ट केलं आहे. अंगदुखी, ताप, डोकेदुखी किंवा स्नायू दुखणे यासारख्या पोस्ट व्हॅक्सिनेशन इफेक्टवर उपचार म्हणून पॅरासिटमोल आणि इतर पेनकिलर्स घेऊ शकता, असं जागतिक आरोग्य संघटनेनं म्हटलं आहे.
सोशल नेटवर्किंगवर करोना लसीकरणाच्या साईड इफेक्टसंदर्भात अनेक खोट्या पोस्ट व्हायरल झाल्यानंतर हे स्पष्टीकरण देण्यात आलं आहे. करोना लसीचे साईड इफेक्ट टाळण्यासाठी लस घेण्याआधी पेनकिलर्स घेतल्याने फायदा होतो असा दावा करणाऱ्या सोशल नेटवर्किंगवरील पोस्ट खोट्या असल्याचं जागतिक आरोग्य संघटनेच्या स्पष्टीकरणानंतर स्पष्ट झालंय.
“लस घेण्याआधीच लसीचे साईड इफेक्ट टाळण्यासाठी पॅरासिटमोलसारख्या पेनकिलर म्हणून ओळखल्या जाणाऱ्या गोळ्यांचं सेवन करणं योग्य नाहीय. या पेनकिलर्सचा लसीच्या प्रभावावर काही परिणाम होतो की नाही ठामपणे सांगता येत नसलं तरी मात्र त्याचा विपरित परिणाम होण्याची शक्यता अधिक आहे. मात्र लसीकरणानंतर अंगदुखी, ताप, डोकेदुखी, स्नायू दुखणे यासारख्या साईड इफेक्टवर पॅरासिटमोल किंवा इतर पेनकिलर घेता येतील,” असं जागतिक आरोग्य संघटनेच्या प्रवक्त्यांनी सांगितलं आहे.
लस घेतल्यानंतर त्याचे सौम्य साईड इफेक्ट्स दिसून येतात. यामध्ये अंगदुखी, डोकेदुखी तसंच ताप असे इफेक्ट दिसून आले आहेत. त्यामुळे या परिणामांवर उपचार करण्यासाठी पेनकिलर किंवा पॅरासिटेमॉलचा वापर केला जाऊ शकतो, असं जागतिक आरोग्य संघटनेने स्पष्ट केलं आहे.
कोरोना लसीकरणानंतर दिसून येणाऱ्या दुष्परिणामांबाबत सोशल नेटवर्किंगवर काही चुकीच्या पोस्ट व्हायरल झाल्या. यानंतर जागतिक आरोग्य संघटनेकडून याबाबत स्पष्टीकरण देण्यात आलं आहे. कोरोना लसीचे साईड इफेक्ट टाळण्यासाठी लस घेण्याआधी पेनकिलर्सचा वापर केल्याने फायदा होतो असा दावा या पोस्टमध्ये केल्या असून हा दावा खोट्या असल्याचं जागतिक आरोग्य संघटनेच्या स्पष्टीकरणानंतर स्पष्ट झालंय.
