मुंबई (वृत्तसंस्था) निवडणूक रणनीतीकार प्रशांत किशोर राष्ट्रवादी काँग्रेसचे अध्यक्ष शरद पवार यांच्यात तब्बल तीन तास चर्चा झाली. या भेटीनंतर राजकीय वर्तुळात विविध तर्क वितर्कांना उधाण आलेले आहेत. यावर आता केंद्रीय मंत्री रामदास आठवले यांनी हटके प्रतिक्रिया दिली आहे. “प्रशांत किशोरच्या कुणीही लागू नका नादी, कारण २०२४ मध्ये पंतप्रधान बनणार आहेत नरेंद्र मोदी. ते तर आहेत आंबेडकरवादी, मग का बनणार नाहीत देशाचे पंतप्रधान नरेंद्र मोदी.” असं आठवले यांनी सांगितलं आहे.
प्रशांत किशोर यांनी शरद पवार यांची सिल्व्हर ओकवर जाऊन भेट घेतली. या भेटीमुळे सध्या राजकीय वर्तुळात चांगलीच चर्चा रंगली. यावर आता केंद्रीय राज्यमंत्री रामदास आठवले यांनी प्रतिक्रिया दिली आहे. तसंच २०२४ ला पुन्हा नरेंद्र पंतप्रधान नरेंद्र मोदी पंतप्रधान होतील, असा विश्वासही त्यांनी व्यक्त केला आहे. २०१४ ला प्रशांत किशोर भाजपबरोबर होते. पण २०१९ ला त्यांच्याशिवाय भाजपनं ३०३ जागांवर विजय मिळवला. किशोर यांच्याशिवाय भाजपनं अनेक राज्यातील निवडणुका जिंकल्या आहेत, असं आठवले म्हणालेत.
पुढे त्यांनी आपल्या शैलीत यावर प्रतिक्रिया दिली आहे. रामदास आठवले म्हणाले की, प्रशांत किशोर के मत बनो आदि, नरेंद्र मोदी इज पक्के आंबेडकरवारी। २०२४ में फिर से पीएम बनेंगे मोदी।
यावेळी आठवलेंनी विरोधकांवरही जोरदार टीका केली. विरोधी पक्ष एकवटलेले नाहीत आणि त्यांची एकसारखी मतं नाहीत. पण एनडीएतील प्रत्येक पक्ष हा पंतप्रधान मोदींसोबत आहे. २०२४ च्या लोकसभा निवडणुकीत एनडीएला पुन्हा एकदा पंतप्रधान मोदींच्या नेतृत्वात मोठा विजय मिळणार असल्याचा विश्वासही आठवलेंनी व्यक्त केला.
