धरणगाव (प्रतिनिधी) तालुक्यातील प्रसिद्ध स्त्रीरोग तज्ञ, वंध्यत्व चिकित्सक व प्रसूती तज्ज्ञ डॉ. लीलाधर बोरसे यांच्या सेवेस आज १७ वर्ष पूर्ण झालीत. यानिमित्त शिवसेना सहसंपर्क प्रमुख गुलाबराव वाघ यांच्यासह अनेकांनी डॉ. बोरसे यांना शुभेच्छा देत सत्कार केला.
धरणगाव तालुक्यातील प्रसूती तज्ज्ञ डॉ. लीलाधर बोरसे यांच्या हॉस्पिटलला आज १७ वर्षे पूर्ण झाली आहेत. तालुक्यातील नागरिकांना धरणगाव सारख्या शहरात कमी सोयी उपलब्ध असताना उत्कृष्ट सेवा पुरवून डो.बोरसे यांनी अनेक गंभीर प्रसूतीच्या शस्त्रक्रिया करून रुग्णांना सेवा पुरविली आहे. या १७ वर्षाच्या काळात त्यांनी अनेक मातांच्या चेहऱ्यावर हास्य फुलवले आहे. त्यांच्या या सेवेसाठी शुभेच्छा देत सत्कार देखील करण्यात आला. यावेळी शिवसेना सहसंपर्क प्रमुख गुलाबराव वाघ, कृषी उत्पन्न बाजार समितीचे माजी सभापती पूनीलाल महाजन, केमिस्ट असोसिएशनचे तालुका सेक्रेटरी छोटू जाधव, पाटील समाजाचे अध्यक्ष भिमराज पाटील, नगरसेवक नंदू पाटील, शिवसेना उपशहर प्रमुख रवी जाधव, शिवसेना उपशहर प्रमुख विलास माळी, नागराज पाटील आणि कैलास इंगळे आदी उपस्थित होते.
