पिंप्री खुर्द ता. धरणगाव (प्रतिनिधी) काल रात्री झालेल्या अवकाळी पावसामुळे पिंपरी येथे नुकतेच रस्त्यावर काँक्रिटीकरण करण्यात आले असून रस्त्याच्या दोन्ही बाजूने गटार काढण्यात आलेली आहे. जेणेकरून रोडवरील पाणी गटारीत जाईल परंतु, संबंधित ठेकेदाराने गटारी एवढी उंची बांधलेली आहे की, रोडवरचे पाणी रोडावर अडकुन पडलेले आहे.
ते पाणी गटारीत उतरविण्यासाठी कोणतीही उपाय योजना केलेली नाही. त्यामुळे डासांच्या मोठ्या प्रमाणात उत्पत्ती होत असुन नागरिकांचे आरोग्य धोक्यात येत आहे. तरी संबंधित प्रशासनाने लक्ष देऊन रोडावरचे पाण्याची विल्हेवाट करावी व नागरिकांचे आरोग्य धोक्यात येऊ नये अशी काळजी घ्यावी, अशी विनंती व्यापारी वर्गाकडून तसेच नागरिकांकडून करण्यात येत आहे.
