मुंबई (वृत्तसंस्था) युरोपमधील अनेक देश मंकीपॉक्स विषाणूच्या संसर्गामुळे हैराण झाले आहेत. त्याचे पडसाद कमाॅडिटी बाजारावर उमटले. कमाॅडिटी बाजारात सोन्याच्या किंमतीत ३०० रुपयांची वाढ झाली. चांदीला मात्र नफावसुलीचा फटका बसला. मल्टी कमाॅडिटी एक्सचेंजवर १० ग्रॅम सोन्याचा भाव ५०,८४५ रुपयांवर स्थिरावला. एक किलो चांदीचा भाव ६१,४२१ रुपयांवर स्थिरावला. त्यात १४३ रुपयांची घसरण झाली.
Goodreturns या वेबसाईटनुसार आज शनिवारी २१ मे २०२२ रोजी मुंबईत २२ कॅरेट सोन्याचा भाव ४७,०५० रुपये इतका आहे. त्यात शुक्रवारच्या तुलनेत ३५० रुपयांची वाढ झाली. आज मुंबईत २४ कॅरेट सोन्याचा भाव ५१,३३० रुपये इतका वाढला. आज दिल्लीत सराफा बाजारात २२ कॅरेट सोन्याचा भाव ४७,०५० रुपये इतका आहे. दिल्लीत २४ कॅरेटचा सोन्याचा भाव ५१,३३० रुपये इतका आहे.
आज शनिवारी चेन्नईत २२ कॅरेट सोन्याचा भाव प्रती १० ग्रॅम ४८,१७० रुपये इतका असून चेन्नईतील आजचा २४ कॅरेट सोन्याचा भाव ५२,५५० रुपये इतका आहे. त्यात ३४० रुपयांची वाढ झाली. कोलकात्यात आज २२ कॅरेट सोन्याचा भाव ४७,०५० रुपये असून २४ कॅरेट सोन्याचा भाव ५१,३३० रुपये इतका वाढला आहे.
