मुंबई (वृत्तसंस्था) शिवसेनेचे नेते एकनाथ शिंदेंनी बंड केल्यानंतर राज्याच्या राजकारणात मोठी खळबळ माजली आहे. एकनाथ शिंदेंच्या गोटातील आमदारांची संख्या वाढत चालले आहेत. सध्या एकनाथ शिंदेंच्या गोटात जवळपास 41 आमदार आहे. त्यामुळे शिवसेनेत हाताच्या बोटावर मोजण्याइतकेच आमदार उरलेले आहेत.
एकनाथ शिंदेंच्या गोटात महाविकास आघाडीतील शिवसेनेकडून मंत्री असलेले अनेक जण सहभागी झाले आहेत. पाणीपुरवठा मंत्री गुलाबराव पाटील, गृह राज्यमंत्री शंभुराज देसाई यांच्यासारखे अनेक मंत्री सहभागी झाले आहेत.तंत्र आणि उच्च शिक्षणमंत्री उदय सामंतही एकनाथ शिंदेंच्या तंबूत हाजीर होण्याची शक्यता वर्तवली जात आहे. सध्या एकनाथ शिंदेंकडे शिवसेनेचे 41 आमदार आणि अपक्ष सहा असे एकूण 47 आमदार असल्याचं सांगितलं जात आहे. अजूनही अनेक आमदार शिंदेंच्या गोटात सामील होण्याची शक्यता वर्तवण्यात येत आहेत.शिवसेना आता कचाट्यात सापडले आहेत.शिंदेंच्या बंडाला वाढता प्रतिसाद मिळताना दिसत आहे.
शिवसेनेचे आता किती आमदार?
शिवसेनेचे मालाड मतदारसंघाचे आमदार सुनील प्रभू, राजापूरचे आमदार राजन साळवी, चेंबूरचे आमदार प्रकाश फातर्पेकर, विक्रोळीचे आमदार सुनील राऊत, कुडाळचे आमदार वैभव नाईक, भांडुपचे आमदार रमेश कोरगावकर, पाचोऱ्याचे आमदार कैलास पाटील, बाळापूरचे आमदार नितीन देशमुख, शिवडीचे आमदार अजय चौधरी आणि वरळीचे आमदार आदित्य ठाकरे हेच शिल्लक राहिले आहेत. बाकी इतर सर्व आमदार जवळपास शिंदेंच्या गोटात सामील झाले आहेत.
