जळगाव (प्रतिनिधी) – मुंबई येथून सीमकार्ड घेतल्यानंतर तेथील नागरिकांना लैंगिक शोषणाचे व्हीडीओ पाठविल्याची धमकी दिली. तसेच त्यांना डिजीटल अरेस्ट भिती दाखविल्यानंतर अटक टाळण्यासाठी राजेश बाळकृष्ण यावलकर (वय ६०, रा. यावल) यांच्याकडून ९ लाख उकळून त्यांची फसवणुक केली. ही घटना दि. ३० मार्च ते दि. ३० जुलै दरम्यान घडली. या प्रकरणी सायबर पोलिस ठाण्यात दि. ७ऑगस्ट रोजी अज्ञात सायबर गुन्हेगाराविरुद्ध गुन्हा दाखल करण्यात आला आहे.
यावल येथील राजेश यावलकर यांना दि. ३० मार्च रोजी व्हाटसअॅपवर कॉल आला होता. समोरील व्यक्तीने आपण टेलिकॉम रेग्युलेटरी अथॉरिटी ऑफ इंडिया येथून बोलत असल्याचे सांगत क्राईम ब्रँच मुंबई येथून नोटीस मिळाली असल्याचे सांगितले. तसेच यावलकर यांना त्यांच्या नावावर मुंबई येथे एका मोबाईल कंपनीचे सिमकार्ड काढण्यात आले आहे, असे सांगितल्यानंतर कॉल कट केला. त्यानंतर दि. ३ एप्रिल रोजी पुन्हा कॉल करून तुमच्या सिमकार्डवरून मुंबई येथील रहिवाशांना लैंगिक शोषणाचे व्हिडिओ प्रसारीत झाले आहे,तशी तक्रार असल्याचे सांगत क्राईम ब्रँच मुंबईकडे कॉल फॉरवर्ड केला.
मनी लाँड्रींगची दिली धमकी
क्राईम ब्रँच मुंबईकडे कॉल फॉरवर्ड केल्यानंतर समोरील व्यक्तीने एका नामवंत विमान कंपनीच्या संस्थापकाकडे तुमचे एटीएम कार्ड सापडले असून त्यावरून मनी लाँड्रींग करण्यात येऊन परदेशात पैसे पाठविल्याचे आढळले आहे, असे सांगितले. पुन्हा अन्य एका दिग्गज व्यक्तीचे नाव सांगून त्यांनी या कार्डपोटी तुम्हाला २० लाख रुपये दिल्याचे सांगितले होते. बँकेच्या अधिकाऱ्याने फसवणुकीची दिली माहिती यावलकर यांनी समोरील व्यक्तीला ९ लाख रुपये पाठविण्यबाबत कळविले. त्यावेळी त्यांनी ही रक्कम दुसऱ्याच खात्यात पाठविली, ती परत मिळवून अन्य खात्यात पाठविण्यास सांगितले. त्यावेळी ते बँकेत गेले असता बँक अधिकाऱ्याने फसवणूक झाल्याचे यावलकर यांच्या लक्षात आणून दिल्यानंतर त्यांनी दि. सायबर पोलिस ठाण्यात फिर्याद दिली. त्यावरून अज्ञाताविरुद्ध गुन्हा दाखल करण्यात आला आहे. तपास पोलिस निरीक्षक प्रदीप ठाकूर करीत आहेत.
