जळगाव (प्रतिनिधी) – देवळाली मिलिटरी कॅन्टीनसाठी २ टन वेफर्स मागितले असून त्याच्या पेमेंटसाठी बँक खाते व्हेरिफीकेशन करायचे आहे. असे सांगत नितेश किशन मायदासानी (वय ४४, रा. खेडी शिवार) यांची ८ लाख ९० हजारात फसवणूक केली. ही घटना दि. २९ जुलै ते दि. ५ ऑगस्ट दरम्यान घडली. या प्रकरणी राजवीर नामक व्यक्तीविरुद्ध सायबर पोलिस ठाण्यात गुन्हा दाखल करण्यात आला आहे.
शहरातील खेडी शिवारात राहणारे नितेश मायदासानी यांचा वेफर्स, फरसाण विक्रीचा व्यवसाय आहे. दि. २९ जुलै रोजी राजवीर नामक व्यक्तीने कॉल करून त संरक्षण खात्यात नोकरीस असल्याचे सांगितले. देवळाली मिलिटरी कॅम्प येथील मिलिटरी कँटीणसाठी ५० खोके वेफर्स पाहिजे असेही त्यांना सांगितले होते. त्यानुसार मायदासानी त्यांना होकार दिला व दि. ५ ऑगस्ट रोजी २ टन वेफर्स पाठविले होते. वाहन तेथे पोहचल्यानंतर त्यांनी समोरील व्यक्तीला कळविले. त्यावेळी त्याने बँक खाते व्हेरिफिकेशनसाठी
५ रुपये पाठविण्यास सांगितले. त्यानुसार त्यांनी ५ रुपये पाठविले व त्यांना समोरील व्यक्तीने १० रुपये परत पाठविल्यानंतर त्यांचा समोरील व्यक्तीवर समोरील व्यक्तीने मायदासानी यांना पुन्हा ४ लाख पाठवा, असे सांगितल्याने मायदासानी यांना संशय आला. त्यांनी लागलीच दि. ७ ऑगस्ट रोजी सायबर पोलिस ठाण्यात फिर्याद दिली. त्यावरून गुन्हा दाखल करण्यात आला आहे. तपास पोलिस निरीक्षक प्रदीप ठाकूर करीत आहेत.
