एरंडोल (प्रतिनिधी) एका अज्ञात व्यक्तीने केलेली बदनामी मी सहन करू शकले नाही, अशा आशयाची सुसाईड नोट लिहून महिलेने आत्महत्या केल्याची धक्कादायक घटना घडली आहे. आत्महत्येस प्रवृत्त केल्याप्रकरणी अज्ञात व्यक्तीविरुद्ध एरंडोल पोलीस स्थानकात गुन्हा दाखल करण्यात आला आहे.
यासंदर्भात आत्महत्या केलेल्या विवाहित महिलेच्या वडिलांनी दिलेल्या फिर्यादीनुसार, दि. २३ एप्रिल २०२२ रोजी दुपारी ३ वाजेच्या सुमारास त्यांची ३४ वर्षीय मुलगी आशा (नाव बदलेले) हिने गळफास घेवून आत्महत्या केली. तसेच सुसाईड नोटमध्ये एका अज्ञात व्यक्तीने केलेली बदनामी मी सहन करू शकले नाही, असे लिहून ठेवेले आहे. अज्ञात व्यक्तीने केलेल्या बदनामीमुळे आशाने गळफास घेवून आत्महत्या केली. आत्महत्येस प्रवृत्त केल्याप्रकरणी अज्ञात व्यक्तीविरुद्ध एरंडोल पोलीस स्थानकात गुन्हा दाखल करण्यात आला असून पुढील तपास सपोनि गणेश अहिरे हे करीत आहेत.
