पाचोरा (प्रतिनिधी) बँकेचे दोन लाखांपेक्षा जास्त कर्ज आणि तशात अतिवृष्टीमुळे पीक हातातून गेल्यामुळे पाचोरा तालुक्यातील सातगाव डोंगरी येथील वृद्ध शेतकऱ्याने विषारी औषध प्राशन करून आत्महत्या केली. संतोष धना पाटील (वय ६५) असे या शेतकऱ्याचे नाव आहे.
सातगाव डोंगरी येथील संतोष धना पाटील (वय ६५) यांनी यंदा कपाशी पेरली होती. परंतू परतीच्या पावसामुळे कपाशीचे मोठे नुकसान होण्याच्या भीतीमुळे संतोष पाटील हे चिंतीत होते. तशात त्यांच्यावर बँकेचे दोन लाखांपेक्षा जास्त कर्ज होते. याच विवंचनेतून त्यांनी दुपारी १२ वाजेच्या सुमारास शेतात औषध प्राशन करून आत्महत्या केली. संतोष पाटील यांचा शेतातील मृतदेह पाहून त्यांच्या पत्नीने हंबरडा फोडला. शेजारील शेतातून मेहबूब फकीर यांनी धाव घेत, पाटील यांना पाचोरा येथील सरकारी दवाखान्यात नेले.परंतू डॉक्टरांनी त्यांना मृत घोषित केले.
