नांदेड (प्रतिनिधी) नांदेड किनवट राष्ट्रीय महामार्गावर झालेल्या भीषण अपघातात पाच जणांचा जागीच मृत्यू झाल्याची माहिती समोर आली. ही घटना दि.24 रात्री 8 ते 9 च्या सुमारास घडल्याची माहिती मिळत आहे.
नांदेड किनवट राष्ट्रीय महामार्गावर सोनारीफाटा करंजीजवळ ट्रक आणि आयशर या दोन वाहनांची समोरासमोर धडक झाली. या अपघाताची भीषणता एवढी होती यामध्ये पाचजण जागीच ठार झाले तर पाच जण गंभीर असल्याची माहिती मिळाली आहे. दरम्यान जखमींना तातडीने उपचारासाठी हिमायतनगर इथल्या सरकारी रुग्णालयात दाखल करण्यात आले आहे. महाराष्ट्रात बिहारमधून कामासाठी काही मजून जात होते यादरम्यान हा अपघात झाला. नांदेड जिल्ह्यातील हिमायतनगर परिसरात ते वास्तव्यास होते. दिवसभर काम आटोपून ते रात्री त्यांच्या ठिकाणी जात असताना त्यांच्यावर मोठे संकट आले. हे मजून आयशरमधून जात असताना सिमेंटने भरलेल्या ट्रकने जोरदार धडक दिली. याबाबतची माहिती पोलीस ठाण्यात नोंद करण्यात आली आहे.
