पाचोरा (प्रतिनिधी) टी-टी चे इंजेक्शन देण्यासाठी महिला डॉक्टरला बळजबरी करणाऱ्या एकाविरुद्ध पिंपळगाव हरेश्वर पोलीस स्थानकात विनयभंगचा गुन्हा दाखल करण्यात आला आहे. धक्कादायक म्हणजे संशयित आरोपी पिडीत डॉक्टरचा नातेवाईक आहे.
याबाबत पिडीत महिला डॉक्टरने दिलेल्या फिर्यादीत म्हटले आहे की, त्यांचा नातेवाईक असलेल्या संदीप (नाव बदलेले) हा २३ सप्टेंबर रोजी साडेदहा वाजेच्या सुमारास दवाखान्यात येत मला टी-टीचे इंजेक्शन देण्याचे सांगू लागला. परंतू महिला डॉक्टरने माझ्याकडे टी-टी चे इंजेक्शन नाही. सरकारी दवाखान्यातून घ्या.त्यावर संदीपने कॅबिनचा दरवाजा उघडून बाहेर बघितले व पिडीतेस इंजेक्शन देण्यासाठी बळजबरी करु लागला. पिडीत महिला डॉक्टरने विरोध केला असता डावा हात पकडुन अश्लिल संभाषण केले. यावेळी पिडीतेने आरडा-ओरड केली असता संदीप हा तेथून गेला. याप्रकरणी पिंपळगाव हरेश्वर पोलीस स्थानकात विनयभंगचा गुन्हा दाखल करण्यात आला असून पुढील तपास पो.ना पांडुरंग गोरबंजारा हे करीत आहेत.
