औरंगाबादच्या (वृत्तसंस्था) वैजापूर येथील शिवसेना आमदार रमेश बोरणारे यांच्याविरोधात विनयभंगाचा गुन्हा दाखल करण्यात आला आहे. याआधीच त्यांच्या विरोधात महिलेला मारहाण केल्याचा देखील गुन्हा दाखल आहे. दरम्यान, पीडित महिलेच्या पुरवणी जबाबानंतर विनयभंगाचे कलम वाढवण्यात आले आहे.
भाजपच्या कार्यक्रमाला गेल्याचा राग मनात धरून आमदार रमेश बोरणारे आणि इतरांनी एका महिलेस शिवीगाळ करून बेदम मारहाण केल्याचा आरोप झाला होता. संबंधित महिला केंद्रीय अर्थ राज्यमंत्री भागवत कराड यांच्या कार्यक्रमाला गेल्या होत्या. यामुळं रमेश बोरणारे रमेश बोरणारे त्यांची पत्नी भाऊ आणि इतर नातेवाईकांना त्यांना मारहाण केल्याचं तक्रारीत म्हटलंय. याप्रकरणी वैजापूर पोलिसांनी रमेश बोरणारे यांच्यासह 9 जणांच्या विरोधात गुन्हा दाखल करण्यात आला. तर दुसरीकडे आमदाराच्या पीए यांनी भांडण सोडत असताना आपल्या जातीवाचक शिवीगाळ केली म्हणून महिलेविरोधात ॲट्रॉसिटीचा गुन्हा दाखल केला. मात्र, पोलिसांनी राजकीय दबावाखाली आमदार बोरणारे यांच्याविरुद्ध विनयभंगाचे कलम लावले नसल्याचा आरोप होत होता. त्यामुळे पोलिसांवर मोठी टीका होत होती. अखेर पुरवणी जबाबानंतर विनयभंगाचे कलम वाढविण्यात आले आहे.
