मुंबई (वृत्तसंस्था) मुंबईतील एका कोविड रुग्णालयाला लागलेल्या आगीत एका कोरोना रुग्णाचा मृत्यू झाल्याची घटना सोमवारी संध्याकाळी घडली.
मुलुंडमधील अॅपेक्स कोविड रुग्णालयातील ट्रान्सफॉर्मला काल संध्याकाळी ६ वाजेच्या सुमारास शॉर्ट सर्किटमुळे अचानक आग लागली. या आगीमुळे रुग्णालयात सर्वत्र धूर पसरला होता. अग्निशमन दलाला या आगीवर नियंत्रण मिळवण्यात यश आले. या आगीमुळे रुग्णालयातील ४० जणांची जीव धोक्यात सापडला होता. यातील काही रुग्णांची प्रकृती गंभीर होती. या आगीत एका कोरोना रुग्णाचा दुर्दैवी मृत्यू झाला. तर दुसऱ्याची प्रकृती चिंताजनक आहे. दरम्यान रुग्णालयातील ३८ जणांना सुरक्षितपणे बाहेर काढण्यात आले आहे.
