जळगाव (प्रतिनिधी) उधारीवर विकलेल्या शिलाई मशिनचे पैसे मागितल्याच्या कारणावरुन पौर्णिमा अशोक गरुड (वय ३०, रा. डोंबिवली, ह. मु. लक्ष्मीनगर) यांना चौघांनी शिवीगाळ करीत मारहाण केली. तसेच त्यांच्या घरावर दगडफेक करुन तिच्या भाचीच्या डोक्यात वीट मारुन जखमी केले. ही घटना दि. २० रोजी रात्री पावणेअकरा वाजेच्या सुमारास लक्ष्मी नगरात घडली. याप्रकरणी चौघांविरुद्ध गुन्हा दाखल करण्यात आला आहे.
डोंबवली येथील पौर्णिमा गरुड हा लक्ष्मी नगरात वास्तव्यास आहे. त्यांनी उधारीवर शिलाई मशिनची विक्री केली होती. त्याचे पैसे मागितल्याचा राग आल्याने राजनंदीनी सोनवणे, चेतना अहिरे, सखुबाई सोनवणे, प्रशांत सोनवणे यांनी दि. २० रोजी रात्रीच्या सुमारास त्यांच्या घरासमोर आले. त्यांनी पौर्णिमा गरुड यांच्यासह तीचे पाहुणे व भाची यांना शिवीगाळ केली. तसेच त्यांच्या घरावर दगडफेक करीत जीवंत सोडणार नाही अशी धमकी देखील दिली. या दगडफेकीमध्ये पौर्णिमा गरुड यांची भाची साक्षी हिच्या कपाळावर वीट लागून ती गंभीर जखमी झाली, दरम्यान, त्यांनी लागलीच शहर पोलिसात धाव घेत तक्रार दिली. त्यानुसार संशयित राजनंदीनी सोनवणे, चेतना विजय अहिरे, सखुचाई सोनवणे व प्रशांत सोनवणे (सर्व रा. गेंदालाल मिल) यांच्याविरुद्ध गुन्हा दाखल करण्यात आला आहे. तपास पोहेकों प्रदीप पाटील हे करत आहे.
