चाळीसगाव ( प्रतिनिधी ) – चाळीसगाव ते कन्नड घाट मार्गावर म्हसोबा मंदिराच्या पुढे रविवारी दुपारच्या सुमारास कारचा अपघात झाला. या अपघातात कारमधील पोलीस अंमलदारासह चौघे गंभीर जखमी झाल्याची घटना घडली. जखमींना उपचारार्थ रुग्णालयात दाखल करण्यात आले असून त्यांच्यावर उपचार सुरु आहेत.
चाळीसगाव शहराकडून (एमएच ०१, बीवाय ५३७१) क्रमांकाची कार कन्नड घाटाकडे जात होती. घाटातील वळणावर कट लागल्याने वाहन घसरुन अडकले. या अपघातात कारमधून प्रवास करणारे धनी पोलीस ठाण्यातील पोलीस अंमलदार दिनेश बारड (वय ५१), तेजश्री बारड (वय ४८), नंदिनी बारड (वय २२) व वेदांत बारड (वय १८, सर्व रा. कल्याण) हे चौघे किरकोळ जखमी झाले.
अपघाताची माहिती मिळताच चाळीसगाव महामार्ग पोलीस केंद्राचे पोलीस उपनिरीक्षक शशिकांत पाटील, संदीप पाटील, पोहेकॉ संदीप जगताप व अमीर तडवी, ग्रामीण पोलीस स्टेशनचे पोलीस निरीक्षक नितीन पाटील यांच्या मार्गदर्शनाखाली पोलीस अंमलदार बाळू बाविस्कर व इतर कर्मचारी यांनी तत्काळ घटनास्थळी धाव घेत मदतकार्य केले.
जखमींवर उपचार सुरु
हा अपघात चाळीसगाव पोलीस कें द्रापासून सुमारे १२ किलोमीटर अंतरावर घडला. पोलिसांनी घटनास्थळी धाव घेतल्यानंतर जखमींना तात्काळ उपचारार्थ रुग्णालयात दाखल केले. याठिकाणी त्यांच्यावर उपचार सुरु आहे.
