पहूर ता. जामनेर (प्रतिनिधी) मजूर पुरवण्याच्या नावाखाली साडेसहा लाखांत फसवणूक केल्याप्रकरणी पहूर पोलिसात एकाविरुद्ध गुन्हा दाखल करण्यात आला आहे.
या संदर्भात प्रभाकर किसन चोरमले (रा. रुई ता. इंदापूर जि. पुणे) यांनी फिर्याद दिली आहे. त्यानुसार असलम बेनखा तडवी (रा. हिवरखेडे ता. जामनेर) यांनी श्री. चोरमले यांच्याकडून दि. १६ सप्टेंबर रोजी सकाळी ऊस तोडण्यासाठी मजूर पुरवतो म्हणून तब्बल ६ लाख ५५ हजार रुपये घेतले. परंतू मजूर पुरवले नाही. त्यामुळे श्री. चोरमले यांनी पहूर पोलीस स्थानक गाठत गुन्हा दाखल केला. पुढील तपास स.फो अनिल सुरवाडे हे करीत आहेत.
